Simbekile ubaba wethu uMswelanto

UMselanto-Oklose

Uzalwa yintombi yakoSibanda. Imbali ithi umaSibanda yayengela nzalo, wasesiya miswa yinyanga okuthiwa nguMswelanto. Kulapho okwavelela khona igama lika baba uMswelanto. Amabizo esintwini abekhuluma, kanti lami bengihlezi ngizibuza ngamagama afana laleli elika baba ukuthi litshoni njalo lavelela ngaphi. UMswelanto uzelwe ngo 1907. Utshone mhlaka 26 August 2012 watshonela koBulawayo lapho abehlezikhona egcinwe nguntanakhe uDora.  Wakhele eZhombe njalo eyimpunga yeHogo. Ngomunye wabobaba obesele.

Life Span amajaha kaMathukuthela-Ndebele

Isikhathi sokuphila kwamajaha kaMathukuthela

Ibizo	Birth	Death	Years
Mathukuthela	1859	1930	71
Malinga	1889	1959	70
Johnson	1902	1988	86
Bathakathi	1910	2000	90
Sunduza	1918	2008	90
Mjabuli	1920	2010	90
Sifiki	1920	2007	87
Nkathazo	1922	1981	59
Sabaya	1923	2004	81
Msindo	1926	1943	17
Sijaya	1927	2005	78
Jolosi	1929	2005	76
Mswelanto	1907		105

Gogo Mahloli

Mahloli , izinhloli komhlonyelwa

Wena owahlola esikamnethi sihloliwe sahlokoma

Wasihlolela sihloliwe sahloma

Zephuka inyonga amadoda ehlomile ayahlola

Izintombi imitshado ihloliwe yama ngothi

Emhlahlo zayahlola yahlomulelwa

Ihogo yama iholwa nguwe

Wadilika yadilika bahlolelwa

Bakhohlwa ngawe bazikhohlisa

Owakwenu uMadaba indaba zimnandi

Wahlutshwa umhlutshwa benamile

Sama ezikaMadaba sahlolwa saphongela

Umphungo sama esakho sihloliwe  

Umfukula ovuke befukelwe bazibuza

Yasabalala imicabango yosaba bayiqonda

Thokozile inkomo imbi indaba kudabuka ukusa  

Bathukuthela inzondano inzondo behlolwe nguwe

Bakhokhoba emakhokhoba wabenqaba bonke

Beyengiwe bayengeka  bekubiza baswaba

Zaqunywa amakhanda igazi  lihloliwe lahlola

Emhlophe amalembu lihlobile lageleza

Wabenqaba bonke

Ngubani ongakufuniyo?

Isalukazi esala ukuhugwa ngabomdeni

Umcaba owasala emasini

Omatenda owamuva  uqomiso waqoma

Ngubani ongaphuma laso emanzini sivutha?

Engahloli ehloliwe ngumahloli

Umbango olapha ekhaya ngowani?

Kubangwa imihlolo kamahloli

Idela lideliwe badelela

Izintonga kwabosapho indondolo yeka

Zahudulwa inyawo inyonga zinyomukile

Belatshwa ekaWolanto phinde basile

Baqolotsha wabanqoba bagoqeka

Eyakho indaba egudwini

KoMhlonyelwa yahloma bahlolelwa

Yahloma yaphuma elikamabuyaze

UMabhensa  wabhonsa  wambensela sihlolelwe.

Udumo lesidumo sakho  sidubekile

 Wathulisela uthule sebethule bonke

Usabiwa wamephula inyonga engowesifazana

Umswelanto engelanto angayenza

UAna elomataliyana bethembeni

Sabela insane zikubiza

Isikhetho umphungo uphangiwe

Vela sobala sikhona sihloliwe

Khethile khethile khethile

Inhlathu abathi ifile kanti izele

Umfukula ovuke wamfuza usabiwa

Mhlomise alulame elulekile

Balulame bonke

Inhlathu iginyele bathi ifile

Amajaha azihudula inyawo egumeni

Imihudulo bazihudula okwe zileyi basoma ngakho

Omangalayo ngonga hlolwanga ngumahloli

Balulamise bonke

Unako sinakili sanaka

Singathunywanga eyakho sayiqonda

Sathi gwaqa bugwaqiwe ko Johnson

Amagwala igwayi  kugwayi siphethe elakho

Sikhotheme sikhokhiwe ubukhokho saphila

Amazonga hatshi inyonga zephukile

Mayuyu mayuyu mayuyu

Sivumile sikuvuna sonke.

Kubekwa Induna KoNkomombi (2011)

Kubekwa Induna koNkomombi 2011


UNdlalifa ingane ka Liyfet umtaka Nkomombi ubekwa ubukhosi bakwethu. Wangcotshwa ubulisa ngu Chief Cyprine Malisa ngo September 2011. Wangcotsha ngalanga linye esabeka ngalo uSoneni umtaka Simon. Sabeka uSoneni ekuseni, emini yakhona kwagcotshwa umlisa. Yethulwa yabasobala indaba yobulisa bakwethu, engithemba laye uNdlalifa wayizwa imbali wayiqedisisa. Wabemukela esazi ukuthi butshoni njalo bulomlando bani. Sikhulekela ukuthi abelamandla lenqondo ekhaliphileyo ngoba ekhokhela isizwe samadoda. Bebekhona oyisemkhulu ekhaya ngalesi isikhathi lapho ebekwa ubulisa njalo ulalapho angeyama khona aluba ethanda ukudinga amasu obukhokheli. UObert Phunyuka oka Nkengiwa usekhaya ngalesi isikhathi, kanti laye usanda kwetheswa umlandu wokuba ngusibhuku webhuku lika Nkengiwa. Wacelwa
ngu Joram ukuthi ambambele ngoba yena esaphathekile ngokunye esedolobheni. UObert yindoda efundileyo njalo ekhaliphileyo esithemba uzasingatha umfana amkhusele aze akhule laye abeyindoda. uObert ungaphansi kuka Ndlalifa esithemba ukuthi bobabili bazabusa ngokukhalipha lango kuqedisisa. Ubulisa bekufanele buthathwe ngu Mlamuli, kodwa ngenxa yokuthi ngalesi iskhathi wayengekho ekhaya ese London wacela u Liyfet ukuthi abambe. Ngokunjalo uLiyfet laye ubambekile ngomsebenzi eHarare, ngakho wasecela umntanakhe uNdlalifa ukuthi abambe. UNdlalifa wemukela lesi isikhundla ngesikhathi esekhaya. Ungumbalisi eSibangani Secondary school njalo enguye futhi ophethe lesi iskolo (headmaster). Kakho othandabuzayo ukuthi umfana uzaphatha ngendlela kulandela ukuthi uqeqetshile umfana njalo esekelwe ngu Obert laye
oqeqetshe ngo kunjalo. Balenhlalnhla babantu bakithi ngokukhokhelwa yizifundiswa zodwa. UMlamuli ekhonale elondon wathumela incwadi eyabalelwa wonke umuntu owayekhona efisela umfana inhlanhla. Incwadi yabalwa ngu Lisi indodana kaMxotshwa. Wakutsho laye u Lisi ukuthi ulalo ilungelo lobukhosi lobu aluba ubengathanda ukuhlala ekhaya. ULisi uzalwa ngu Mxotshwa yena ozalwa endlini yesibili ko Ngundu. Eyokuqala ngeka ma Mpofu yena ozala uMnidwa besekulandela ekamaMoyo yena ozala uMxotshwa. Kanti ubukhosi sebusendlini yesine (ko naka Mhlanziso maSibanda).