Simion Ndebele

          

Ngowetshumi (10) emajaheni kaMathukuthela ezalwa ngu maMnenzwa umaMoyo. Kucatshangelwa ukuthi wazalwa ngo 1905. Bakhona abaphikisa lokhu bona besithi wazalwa ngo 1885. Angi phikisani lemibono yomibili ngoba phela imbali ngokuzalwa kwabobaba inzima kulandela ngoba akulancwadi ( birthcertificate) ezikhomba usuku lokuzalwa kwabo. Kodwa ngokuchwayisisa okuphezulu ngathola ukuthi kungenzakala ukuthi wazalwa ngo 1905. Ufele eBhelingwe (Mberengwa) ngo 1992 koNgungumbane. Kulapho okulo muzi wakhe khona. Wafika koNgungumbane ngo 1955. Wayelabafazi abathathu umaNdlovu (ubesithi babakazi kuSikelela), umaNdlovu ( yena ubesithi babakazi kumaNdlovu wokuqala) lomaNcube-uBhebhiyana ozalwa eShabane (Zvishabane) emaBhezule. Yena wazalwa ngo 1932.

Mandlovu –nakaMatema

Thomas Mathema (M)         1933

Joseph  (M)                         1939

Sidlaliso (M)                        1942- August 2013

Chrispen  (M)                      1957

Nelson Thame (M)              1953

maNdlovu –naka Godfree

Godfree  (M)                  1945

Metron Mtsheni (M)        1960

Sikholiwe  (F)    1957  wendele eTsholotsho

Cain  Mangweni  (M)     1960

Sehlakubi Gladys (F)     1964

Mavis   (F)                     1968

maNcube Bhebhiyana

Benard –Mhalatsheni   (M) 1952

Bloss- Lovemore  (M)  1954 disapeared during the liberation war

Dade –Samukeliso (F) 1955

Velaphi –Vee  (M)   1964 died in 1996

Albert Mboleki  (M) 1964/1968

Phongo –Sikhangezile (F)  1966

Sibagobe –Siba  (M) 1971

USimion ubephila ngokulima lokufuya inkomo. Inkomo beziblana uboya. Ubelesigayo okuyiso ebesimupha imali yokufundisa abantwana. Ukewasebenza elibutho lamaBritish during the first World War that started in 1914 and second World War that started in 1939 to 1945. Ubehlonitshwa koNgungumbane ngenxa yenotho lokukhalipha. Ubengaphansi kukasobhuku uZikhali Lugege, induna kungu Ngungumbane uMkhwananzi. Ngesikhathi esifa ngo 1992, umfazi wakhe wesibili umaNdlovu (naka Godfree) wayesewabuyela kibo kulandela ukuxabana okwabakhona. UmaNdlovu kucatshangelwa ukuthi watshiya umendo ngo 1967. Wahamba loSehlakubi (Gladys) lo Mavis isicino. Wabuyela kibo koMaranda, kanti ukhonale lalamuhla. (as of 2012). Abantwana baphenduka yena wasala khonale njalo uhlezi ngakibo kendanga. Wasuka vele esekhulile okokuthi kwakunge kumlungele ukuthi angenda njalo. Uyazakala lapho akhona njalo uyake abuye evakatshela abantwana eBhelingwe. UmaNcube uBhebhiya uhlala koBulawayo kusukela ngo 1996. Uhlala enkazaneni uSamukelisiwe eCowdray Park. Kwathi ngo 2005 wathathwa ngu Albert Mboleki wayamakhela umuzi eTsholotsho. Kulapho akhona lamuhla. (as of 2012). Usuke eBhelingwe emva kokutshona kuka Simion. Wathathwa ngabantwana ukuthi ayephephela khona. Babesele lapha ekhaya bebabili lo maNdlovu unakaMatema yena osesele yedwa lapha ekhaya eBhelingwe. Nguye osele engcine umuzi kanye lezifuyo zika Simion. Khathesi ungcinwe nguMathema. Ikhosikazi likaMathema lihlala ekhaya. UMathema ulomuzi wakhe eceleni. Mabili amajaha kaSimion atshonileyo kuzefika lamuhla (April 2006.) UBlossy Lovemore waphatheka empini yenkululeko ngo 1970s. Ngokusweleka kwenhlanhla kasaphendukanga. Akwaziwa okwenzakala kuye. Wanyamalala. Ngakho sithi:

“ Blossy lapho ukhona mfowethu lala ngokuthula. Lapho okhona kwazi wena wedwa lezithutha zakwethu. Umkakho umaKhumalo lengane zakho u Innocent lo Siphetheni kanye lathi abafowenu sesakudlela inkubalo. Siyakukhumbula kanti lathi siyeza indlela yinye eya kulelo lizwe ukhona wena, ngelethu sonke kuphela izikhathi yizo ezitshiyanayo esiza ngazo. Lala ngokuthula qhawe lakithi.”