Savela ngaphi?

Icele lokuqala
Singa Makhalanga kumbe singaManguni? Lo ngumbuzo engizawuphundula ukusuthise kumbe njalo udale ukufuthelana kubafowethu. Aluba ungahambelani lecele lakuqala xola ngoba likhona icele lesibili lalo elethula isisusa somdeni wakwethu. Amacele womabili ayavumelana kokunye kanti njalo aphikisane kokunye. Ke wena hlaziya amacele womabili ngokuhlakanipha kuze uveze iqiniso ngembali yakho.
Endebele Emageza ngochago,
eTunu, eTalawunda,
eWunyane,
eMshabanisi
Izangelo ezinga phezulu zingabe ziveza ukuthi singaMakhalanga na? Wena uyazazi na lezizangelo njalo uvumelana lazo na? Sikhule sisazi ngezangelo ezingaphezulu kambe lokhu kungufakazi wokuthi singaMaKhalanga na? AmaKhalanga kanti wona avela ngaphi? History tells us that the Kalanga are the descendants of Munumutapa from Great Zimbabwe. They moved to the South after the fall of Great Zimbabwe in about 1500AD. Kutshoni lokhu? Kungabe kusitsho ukuthi singamaHole thina?
Kuyini amaTunu? Uthini uPathisa Nyathi ngama Talawunda? Bala indaba elandelayo eyalotshwa ngu Pathisa Nyathi echasisa ukuthi ngabani amaTalawunda. AmaTunu zintaba. Aluba sivumelana ngezibongo ezingaphezulu kanti njalo wabala lendaba ka Nyathi ngamatalawunda, kusobala ukuthi singamaKhalanga, njalo akupheleli lapho, kuqhubeka kuvela ubuhlobo phakathi kwethu lamaRozvi.
UMnethi wavela ePluntree. Kulabanye abathathela indaba yembali yakwethu phakathi, bathi uMnethi wadabuka ePlumtree, lapho aficwakhona nguMzilikazi eluse izimvu. Ngembali uMnethi wayeyindoda efuyileyo njalo ilomuzi ozothileyo. Yayethanda izifuyo ikakhulu izimvu zona ezazingange thsebetshebe lolwandle. Watholwa nguMzilikazi elusile eselijaha elipheleleyo. Inkosi yamthumba kanye levimvu zakhe. Ngokubonakala ukuthi waye khaliphile njalo ethanda izifuyo, wavunyelwa wahlangana lohlangothi lweNwananzi wona engamaNdebele uqobo lwawo. Esehlangene leNzwananzi kazange abizwe ngobuHole uMnethi. Abambonayo babesithi ngomunye wabo. Sikhule sisazi ukuthi singomaFukanhobo, kanti obaba bayakwala lokhu. Leli ligama lesiShona/Khalanga lengezwa ezangelweni zethu ngugogo uMatenda. UMatenda ngowe ndlini yako Johnson. Kanti ezinye izindlu zilazo izangelo lezi na? Siyazibuza ukuthi kanti yena ugogo wayelandla anganani ukuze onelise ukuguqula izangelo zesizwe esingaka sikaMnethi kusukela koDuma kuze keyefika kuMaNdima? UMatenda ngogogo endlini encane, kanti inguquko le yamemetheka njani isuka endlini encane yaze yaya fika endlini ezinkulu? UNgundu angatshiya lo Nkengiwa ngeminyaka engu 17 kusiya ku20 years. Nxa lokhu kutsho ukuthi izangelo lezi zeza logogo, kanti pho engakendi izangelo zethu zaziminjani? Kanti khona izangelo zesizwe/umdeni zivela ngaphi? Kuqakathikile ukuthi siqedisise ukuthi nxa sikhuluma ngezibongo sikhuluma ngani. Kwabacubungula ngembali bathi izangelo ziyimbali yesizwe sinye ngasinye. Zethula okuhle, okubi, amaphutha, ukwehluleka kumbe ukunqoba kwesizwe esithile. Izangelo zikhula lesizwe. EMageza ngochago. Lesi sethula imbali thile ngathi. Bekufuyiwe lapha ekhaya abantu besidla uchago bazebegeze ngalo kanti komakhelwane abantwana zinuta ezibheja ngomlaza njengemidlwane. Izangelo zesizwe kazihlali zimi ndawonye, ziyaqhubeka kanye lesizwe. Ngokunjalo kangiboni iphutha ukuthi izangelo zethu zengezwa ngugogo uMatenda. Ezinye izindlu zingabuza ukuthi kanti ngubani kanti lo othiwa nguMatenda. Ngeqiniso bakhona abangamaziyo loba nje ongomunye wamakhosikazi kaMathukuthela. Kanti pho amandla okwengeza izangelo zethu avela ngaphi?